JK Brother’s (已結業)

同朋友約左去佐敦食野，係近排好興嘅放題打邊爐。佢喺樓上鋪，入到去鋪位望落都幾大，裝修開揚。一入嚟就有人熱情招呼，涮涮鍋有幾個湯底俾你揀，選擇都好特別，有個招牌土手鍋，但係我哋唔係太鍾意食海鮮，就揀咗人蔘雞湯底。個湯底真係好入味，放啲材料入去涮完拎出黎食都好濃人蔘味，我冇諗過會咁足料！到材料方面，同好多間放題一樣都係有幾個等級既牛肉set。佢最特別既係有海鮮俾你任夾，有沙白蜆同蝦等等，真係有個水釭俾你新鮮夾出黎直接落煲，呢樣真係唔多見！鍾意食海鮮嘅人應該會好滿足。海鮮亦都非常新鮮生猛，招呼都好好，如果唔識整一定會有人嚟幫你。醬油鮑魚同醬油蝦亦都係佢另外一個賣點。醬油鮑魚同醬油蝦亦都係佢另外一個賣點。我個人比較鍾意食佢個醬油蝦，係刺身嚟嘅，感覺幾好味。除咗啲肉同海鮮之外，其他火鍋應有嘅材料都有，比較特別嘅係有啲魚皮啦年糕啦。佢嘅熟食都唔少，炸嘢，沙律，飲品同甜品嘅選擇都唔少。值得一提嘅係仲有movenpick任揀哦！佢嘅價錢同出邊普通放題差唔多，但係賣點比較多，野食都幾新鮮，性價比ok，如果係聚會嘅話呢間食感覺都幾好。