Passepartout

營業中

休息中

呢間位於佐敦嘅人氣咖啡店提供多款獨特嘅Fusion Brunch菜式，靈感嚟自世界各地，嘗試將唔同城市嘅經典風味融合，出面好少見。店內環境唔大，有室內同戶外座位，木系色為主調，悠閒氛圍，特別適合約閨蜜嘆返個Brunch。飲品方面有唔少選擇，大力推介呢度嘅茶品，賣相可愛迷人，茶味香濃，有後韻，特別解膩。「New York」有自家製美式鹹牛肉，配上薯仔沙律同酸種麵包。牛肉帶鹹香味，薄切嫩滑，都有唔少件，加埋薯仔同脆身嘅麵包，飽肚得嚟營養價值豐富。「Fez」係中東七味烤羊柳配上香蒜蜂蜜薯角，用核桃青醬調味而成，羊柳嫩滑，惹味十足，薯角皮薄，香，咬落軟淋，難怪多人點。價格唔算好親民，但食物質素高且地點方便。