Lockeroom Express (已結業)

今日同細妹行街係佐敦落車，見到巴士站落車位置有間快餐店咁既餐廳，就落去睇下，樓上cafe 食得多，樓下餐廳真係少食估唔到餐廳幾旺，排隊都等左15-20分鐘先落到order, 我問收錢姐姐洗唔洗加一，佢反問我快餐店洗唔洗加一🤣所以好抵食，之後佢地會發牌，野食準備好就出去拎，好自助要左一個黑松露忌廉意粉，條條意粉都掛汁，龍蝦唔算多肉但咁既價錢抵食👍🏻凱撒沙律都唔錯，幾大兜，菜都新鮮既安格斯burger 有驚喜， 有芝士、生菜、安格斯牛肉等，細妹好鐘意，仲配埋薯格，原本唔知有所以要多左份薯格🙈不過係黑松露薯格，炸得香口邪惡