焱燒串燒專門店 (已結業)

話說呢排白熊媽媽話自己好想食串燒 諗諗下又好似無試過去一D淨係食串燒既鋪頭 見呢排佐敦新開左一間串燒專門店 放工就突登過海帶媽媽試下😆-🌟-▪️ 鹽燒安格斯一口牛 （$38）▪️ 鹽燒牛舌芯 （$38）牛既部分叫左牛舌同一口牛 兩款牛味都好重 都係bite size 肉質軟嫩 好後悔無叫到一人一串🥹▪️ 焱燒自家製叉燒串 （$38）叉燒非常入味 最鍾意食燶邊🥹 雖然叉燒本身比較乾身 但係配埋店家提供既沙嗲醬同泰式酸辣汁就超級夾💕▪️ 士匪雞翼（3隻）($25)可能之前個D比較重口味 呢個我地覺得調味比較淡 但係可以試下餐廳提供既辣粉一齊食 （都幾辣架🌶🥵)▪️ 焱燒香烤羊架 ($45)呢個係must叫🥹唔算好騷所以怕食羊既朋友都可以一試 羊架非常肥美同埋好淋 但係有無話好多肥膏位 拎住成隻羊架就咁食非常滿足😗▪️ 原殼燒生蠔 （半打）($148)用上新鮮既生蠔 可以選擇蒜蓉定芝士 我地就要左蒜蓉 調味剛剛好無蓋過蠔本身既鮮味 蠔燒完之後都無縮水🤣大大隻十分juicy▪️ 蒜蓉焗什菇 ($30)本身struggle緊食金菇定係什菇 但原來什菇可以一次過試曬咁多當然就叫什菇啦🤣蒜香濃郁 份量亦非常慷慨😆