松山海鮮鍋 (已結業)

返屋企見到無嘢食，就約咗朋友出去食。出去食又唔知食咩好，唔想食快餐，所以去咗之前同屋企人嚟打邊爐嘅餐廳食小炒。叫咗兩樣餸，芥末牛柳粒：有好多配料，青瓜，燈籠椒，牛柳粒炒得幾嫩口，調味都幾好，香甜得嚟又有點辛香。咸魚煎肉餅：分量十足！真係一大塊，仲切好比我地，好貼心。煎到少少燶邊，啱啱好，鹹香味濃。我覺得呢度嘅員工都幾友善親切，同埋上次嚟打邊爐都有食刺身，我地都食得好滿意。刺身選擇多，仲好新鮮。位置又方便易搵。