西關老祖 (文苑樓) (已結業)

喺佐敦渡船街附近有好多嘅小食店林立，最近就開咗呢間裝修風格極具文青風嘅外賣店「西關老祖」。極上·生蛋醬油拌飯：用左日本嘅雞蛋，加埋秘製醬油，拌勻用嚟撈飯食就一流。爆炒·XO醬蘿蔔糕：呢度嘅蘿蔔糕係自家製，食落口感外面嘅較扎實，唔會話一夾就散哂，用料都幾足，加埋佢哋嘅老祖秘傳嘅XO醬，XO醬帶點微辣夠哂惹味，同蘿蔔糕味道好夾。炸·黑毛豬肉粽：粽大多數認知都係用嚟蒸煮，但係呢度一改傳統，將豬肉粽拎去炸，佢哋豬肉粽都係自家包製，所以用料上乘，豬肉係用上等黑毛豬肉，肉味更濃，油脂比例較平均，所以炸完整體都唔會話太油膩，外皮酥脆可口，內裡仍然食到糯米飯嘅煙韌口感，係好特別嘅口感。老祖·至仲有尊頹飯（Double 份量）：呢度嘅頹飯意指餐肉煎蛋飯，但係呢個頹飯所用嘅材料都幾講講究，雞蛋係用日本貨，餐肉就用左本地新鮮製造，再加埋秘製嘅醬油一齊食，令味道更上一層樓。