Mizu (已結業)

平時都會去開佐敦搵食，今次經過德興街發現咗呢間裝修幾有格調嘅酒吧Cafe。見有少少肚餓就一於嚟呢度食個Tea set，嘆下咖啡。我哋要咗個紅豆窩夫配綠茶雪糕，由於即叫即整，大約等咗10分鐘左右，比較特別嘅係佢嘅紅豆係熱辣辣另上，之後你淋上面雪糕窩夫度，做到冰火交融嘅效果。紅豆粒粒分明綠茶雪糕大有回甘。另外一款我哋要咗焦糖燉蛋配香草雪糕，呢款法式甜品食落去有滑嫩嘅蛋香同埋忌廉，上面配有香脆嘅焦糖，甜品10分高質。我哋仲要左比較特別嘅咖啡就係whiskey Americano同埋橙朱古力摩卡兩款都係帶有酒精嘅咖啡。鍾意飲酒香嘅朋友就千祈唔好錯過包你有驚喜。同埋呢間餐廳晚市就會變咗一個酒吧嘅西餐廳佢都有唔同嘅優惠，啱晒都市人收工後happy hour放鬆一下。星期一、星期二 Monday & TuesdayAll Day Happy Hour生啤 及 高球雞尾酒買一送一星期三 WednesdayCocktail Wednesday - Buy 1 Get 1 Free All Day!所有調酒全日可享買一送一優惠Enjoy Buy 1 Get 1 Free Cocktail All day