景霖正宗四川麻辣米線 (白加士街)

我哋相信每一區除咗連鎖米線店，點都會有一間米線嘅代表作，今次就得到佐敦在地人推介，嚟到呢間景霖正宗四川麻辣米線！





腩肉確實係米線嘅靈魂配料，一層肥一層瘦，雖然好罪惡，但又偏偏好好味。呢度嘅腩肉夠晒軟腍又入味！至於冬菇就係用鮮冬菇，冬菇索晒湯汁都唔錯。至於湯底酸酸辣辣，好開胃呀！








清甜無揸嘅蘿蔔同鱈魚豆腐，至於湯底就選擇咗小麻辣，唔算太辣，米線掛晒湯，好好味。







雞肉微燶，好香口，但串燒最重要當然係個醬汁啦，沙嗲味香濃，好惹味呀！









雞翼烤到好香口，香草味好香，好入味，而雞翼仲keep到juicy，但就略嫌雞翼太肥喇，有啲油膩感。