我哋揀咗120分鐘嘅Prime Grade安格斯牛肩胛肉放題套餐，原價每位$273，而家做緊8折優惠，實收$255，性價比好高。湯底揀咗台灣養生花膠雞，入口濃郁夠鮮，花膠夠腍，飲完成個人都暖笠笠。
食材方面真係好驚喜，Prime Grade安格斯牛肩胛肉同美國安格斯牛肩胛肉，油脂分布均勻，涮幾秒就食得，入口嫩到出汁；西班牙無激素豬肉片同脆骨腩都好爽脆，咬落有口感。海鮮亦好新鮮，游水海蝦啱啱拎上嚟仲喺度郁，白鱔片同墨魚仔鮮甜彈牙，脆鲩魚片涮完都保持脆口。
菜類揀咗鮮淮山、蒿荀同新鮮羽衣甘藍，清新解膩，仲有稻庭烏冬吸晒湯汁精華。飲品任飲唔嬲，最後仲有Movenpick同Dreyers雪糕收尾，完美！
#佐敦美食 #台式火鍋 #吃到飽放題 #畢業慶祝 #高質火鍋 #鍋霸台式養生火鍋
