影片
更多
2020-12-18
151 瀏覽
而家疫情比較嚴峻，堂食只係去到6點。影響最大嘅餐飲業莫過於糖水舖，始終糖水舖係香港人飲飽食醉之後嘅享受。 疫情冇咁嚴峻嘅時候，堂食仲係去到10點，我同女朋友就黎到佐敦嘅大街小館試下呢度嘅甜品。餐嘅主打係黑糖芋圓甜品同椰皇類甜品，喺餐廳外等位果陣已經見到有十幾個外賣椰皇裝好準備送到客人府上。加上天氣開始寒冷，餐廳都準備左啲冬日推介例如燉木瓜燉雪梨同薑汁類供客人選擇。以上甜品我冇特別大興趣，一向黎到糖水舖我都係向住綿綿冰嘅方向進發，不管天氣有幾寒冷。=========================牛奶綿綿冰 配Oreo，朱古力脆片 $42綿綿冰$42黎講價錢算係非常相宜，出面食起馬都$55起跳。最緊要係綿綿冰可以自選2種配料，其他甜品舖通常都會限定某種味嘅冰必須配限定嘅配料，例如我麻麻地爆爆珠、紅豆、椰果等。自選配料好在鐘意邊款揀邊款！牛奶綿綿冰簡直Oreo同朱古力脆片係絕配。 食落牛奶味非常香濃，唔會好甜，而Oreo同朱古力脆片不但增加綿綿度嘅口感，更將牛奶味帶到另一種層次，一絕！ 餐廳除左綿綿冰外仲有一啲特別味道嘅雪糕例如玄米茶、海鹽同自家製嘅手工啤酒、咸蛋黃同黑糖奶茶，下次一定要試
疫情冇咁嚴峻嘅時候，堂食仲係去到10點，我同女朋友就黎到佐敦嘅大街小館試下呢度嘅甜品。餐嘅主打係黑糖芋圓甜品同椰皇類甜品，喺餐廳外等位果陣已經見到有十幾個外賣椰皇裝好準備送到客人府上。加上天氣開始寒冷，餐廳都準備左啲冬日推介例如燉木瓜燉雪梨同薑汁類供客人選擇。以上甜品我冇特別大興趣，一向黎到糖水舖我都係向住綿綿冰嘅方向進發，不管天氣有幾寒冷。
=========================
牛奶綿綿冰 配Oreo，朱古力脆片 $42
綿綿冰$42黎講價錢算係非常相宜，出面食起馬都$55起跳。最緊要係綿綿冰可以自選2種配料，其他甜品舖通常都會限定某種味嘅冰必須配限定嘅配料，例如我麻麻地爆爆珠、紅豆、椰果等。自選配料好在鐘意邊款揀邊款！牛奶綿綿冰簡直Oreo同朱古力脆片係絕配。
食落牛奶味非常香濃，唔會好甜，而Oreo同朱古力脆片不但增加綿綿度嘅口感，更將牛奶味帶到另一種層次，一絕！
餐廳除左綿綿冰外仲有一啲特別味道嘅雪糕例如玄米茶、海鹽同自家製嘅手工啤酒、咸蛋黃同黑糖奶茶，下次一定要試試！
張貼
