影片
更多
2016-11-25
5176 瀏覽
來到十一月尾，天氣時凍時熱，遇著凍既日子就想打邊爐又或者燒烤。 加上自從月頭從日本回來，已經有點掛念呢個地方，特別係美食。 為解雙思之苦，今次近近地同女朋友去左銅鑼灣<<尚鮮日式燒肉漁市場>>。 呢度就係正銅鑼灣心臟地帶，十分易搵。 餐廳位於大廈三樓，一出電梯就見到個好醒目既招牌。 因為我地揀左六點鐘時段，趁人潮未出現影下相。侍應安排我地入座卡位，私隱度自然就高D又舒服D。 坐低靚仔侍應會教我地點樣操作呢個平板電腦來落單，十分方便及環保。基本上是全部任點的，除了右一食物及右二的酒精飲品兩個種類。而每點一個數量代表一塊，大家要記住呀。 過左一陣，侍應好快就拎左盤雞煲上枱。原來係餐廳今期送的。份量唔會太多，剛剛好兩個人食，入口野味小小辣，最岩係點餐時比我地墊下個胃。 仲有一樣係餐廳會預先準備的，就是刺身。都有好多種類，三文魚，帶子，八爪魚，希靈魚，甜蝦，松葉蟹棒，鮑片等。包括來說十分新鮮，最驚喜就是有一板海膽呢。如果唔夠食，可以自己再點過。 小食都有好幾款，枝豆當然不能少，喊喊的，幾開胃。 來得呢度，除左食刺身壽司，當然仲要燒埋野食先夠喉。牛肉
加上自從月頭從日本回來，已經有點掛念呢個地方，特別係美食。
為解雙思之苦，今次近近地同女朋友去左銅鑼灣<<尚鮮日式燒肉漁市場>>。
呢度就係正銅鑼灣心臟地帶，十分易搵。
餐廳位於大廈三樓，一出電梯就見到個好醒目既招牌。
因為我地揀左六點鐘時段，趁人潮未出現影下相。侍應安排我地入座卡位，私隱度自然就高D又舒服D。
坐低靚仔侍應會教我地點樣操作呢個平板電腦來落單，十分方便及環保。基本上是全部任點的，除了右一食物及右二的酒精飲品兩個種類。而每點一個數量代表一塊，大家要記住呀。
過左一陣，侍應好快就拎左盤雞煲上枱。原來係餐廳今期送的。份量唔會太多，剛剛好兩個人食，入口野味小小辣，最岩係點餐時比我地墊下個胃。
仲有一樣係餐廳會預先準備的，就是刺身。都有好多種類，三文魚，帶子，八爪魚，希靈魚，甜蝦，松葉蟹棒，鮑片等。包括來說十分新鮮，最驚喜就是有一板海膽呢。如果唔夠食，可以自己再點過。
小食都有好幾款，枝豆當然不能少，喊喊的，幾開胃。
來得呢度，除左食刺身壽司，當然仲要燒埋野食先夠喉。牛肉當然唔少得，點了一口牛粒及牛肩肉。一口牛粒入口好有水份，令到口感昇華不少。牛肩肉就比較易熟，入口牛肉好嫩。
同時放了盤<<蒜香金針菇>>，打開錫紙已經聞到有好香既蒜蓉味，食落去金針菇"索索聲"加蒜蓉香，,不得了。
海鮮就係我既最愛，生蠔，大蝦，尤魚點可以少得?
個人最欣賞就是大蝦，因為真係愈燒愈香，入口仲好有蝦香味。
而生蠔都好大隻，入口雪雪聲，夠哂JUICY。
牛油扇貝更加唔可以唔點。因為真好大隻好JUICY。
腸仔，雞翼同菠蘿又點可以少得呢?不過腸仔真係要小心D燒，因為比較易燶。菠蘿就真係好多汁，入口又甜。
其他疏菜類都唔放過，一口甜薯，日本南瓜，牛油粟米，翠肉瓜等等。特別係牛油粟米，又香牛油味又甜。
壓軸加了料($128)來一份香蒜龍蝦，加了蒜的關係，蝦肉入口很香，而且又夠多肉，真係好滿足。
至於飲品方面是自助的，可以自己出去雪櫃拎。
呢道除左有韓國野飲，最驚喜就是有道地烏龍茶，健康又解油膩。
除左有飲品櫃，仲有甜品櫃。選擇都唔少架，最適合有甜品肚的女朋友仔。
食到最後仲有每人一盒Movenpick，我地就揀哂士多啤梨味，口腔頓時清新不少呢。
張貼
