滿江紅小甜甜 (已結業)

約咗朋友喺銅鑼灣食飯，見到面佢先話想食四川菜，我唔係好識，咁大家上網搵吓，見到呢間川菜館，口碑唔錯，距離我哋又幾近，咁就決定行過去試吓😆-「拍青瓜🥒」：超級爽脆，落咗鹽同蒜蓉🧄，簡單好食😋-「麻辣雞煲」：雖然叫咗小麻小辣，但係雞件🐓已經非常惹味😆；配菜仲有青瓜同蘿蔔，比麻辣雞煲嘅湯汁煮過，亦都幾惹味😆-「乾鍋菜花🥦」：椰菜花🥦鮮嫩爽脆，乾鍋煮法味帶微辣，加埋青紅椒絲同 幾片腩肉，炒得非常香口😋-「回鍋肉（豬）」：回鍋肉半肥瘦，幾甘香，仲加咗大量青椒、洋蔥、大蔥 一齊炒，味道好濃郁😋-「西瓜汁」、「木瓜奶」：清甜幾好飲😋