友飯食 (已結業)

呢間應該會成為我嘅住家飯天堂，因為啲菜式真係好健康，同埋冇乜點落味精，仲要有靚湯，價錢又抵，冇理由唔幫襯😆呢日晏晝叫咗粟米焗魚柳飯，肉碎炒四季豆同埋蒸肉餅，全部嘢加埋百零蚊有找，仲要跟埋嘢飲同埋靚湯，太抵，質素好高👍個粟米焗魚柳飯份量好大，熱辣辣，最鍾意嘅係個蒸肉餅，都係食咗一半先記得影相😂 冇辦法啦太惹味，送飯一流🤣仲有啊，個樽仔奶茶都真係好好飲，唔會太甜，呢個都係必點！ 呢間已經幫襯咗好多次，次次話要提自己幫佢出食評，但係都唔記得咗，今次終於記得！ 大家一定要去試吓，真係高質👍🫡