熊貓甜品屋 (已結業)

食完野又係時候食甜品，上開飯網搵下附近有咩揀，見到熊貓甜品屋，好可愛咁喎，就黎試下佢先。入到黎睇下餐牌，都幾多款，本想試下流心蛋糕，但可惜今日無賣，咁就點下其他先。店內周圍都係熊貓好可愛，好有家庭小店的感覺。點了一個椰皇布丁，布丁好有蛋香又嫩滑，下層係椰子味的奶凍，仲有不少椰肉，雖然賣相一般但味道撘夠。香蕉朱古力窩夫，四塊心形窩夫加上一條香蕉，真係飽肚之選呀，上面的熊貓餅乾好可愛～窩夫厚身食落有點像蛋糕仔，好有蛋香很不錯，再多一點朱古力醬就好了。仲有點左心太軟，配上朱古力雪糕同朱古力脆脆，朱古力迷大愛呀。心太軟很流心，朱古力醬濃味不過甜，外層亦烘得很香口，整體不俗。小店只有一位員工，又要落單，上野，收錢，仲要入埋廚房幫手，見到佢就忙，旁邊那枱大媽好像很不滿意咁樣，係咁點入攞呢樣攞個樣，又話啲咩咩唔好食，無佢家鄉做得咁好，最好笑係四個大媽居然開左部tab係度睇片，勁大聲，員工居然仲可以咁好笑容去service佢地真係勁高EQ，抵讚！