山野日本料理 (已結業)

呢幾日都係行商場，行到九龍城廣場，見到一間價錢合理，唔算好貴日式放題，就入去試試。一向都鐘意食放題的我，一坐下就見到一本設計精美點菜單，好清晰地用顔色分類。食幾多叫幾多 吾怕食吾飽。飲品有好多選擇 特別喜歡飲酒的朋友一定要黎 因為呢度除了有啤酒仲有清酒，清酒吾會好甜 味道好純好好飲 配搭刺身第一輪，當然食刺身。刺身好新鮮，特別係三文魚，紋路非常清楚同肥美 好好口感。至於帶子 雖然細粒，但食落不失帶孑風味。軍艦方面，個人口味最好芥末八爪魚，大大粒新鮮芥未同爽口的八爪魚 好開胃，不用另外添加調味已好足夠芥末味。 令我最有驚喜的是迷你海膽手卷，樣子好可愛，細件食多幾輪都不怕飽。創作壽司和火灸壽司都非常特別，辛辣玉子燒、花芝戀，山野花芝戀。另外還有前菜嘅三文魚沙律都好好食好醒胃。天婦羅有方面就試左多春魚，蟹柳。外層有簿簿脆皮，內多春魚魚肉鮮味。