康城酒樓 (已結業)

唔好睇小呢間喺老牌屋邨入面嘅街坊酒樓，其實佢哋成日都客滿。本邨嘅人其實都知道佢地禾桿蓋珍珠，雖然環境就係一般，但食物質素有驚喜，用料紮實、新鮮，味道好，但價錢平實，所以過時過節屋企人都會考慮喺度聚餐。今晚在下請食飯，承蒙大家賞面赴宴。要個全包宴，預先訂咗有優惠。最正嘅係炸海皇卷，仲有瑤柱扒生菜。碟碟份量都好大，大家都食得好開心，我哋未食到尾二三味嘅菜式已經開始食唔晒，最後都要打包。包酒水，咁多嘢都係3000幾蚊，非常抵食。所以，難怪佢地成日都座無虛席。