一休日本料理 (已結業)

先講食物：壽司普通不在話下，跟本與吉之島的壽司無異，標榜著抵死既$25半磅三文魚真係唔知想點，做到厚切，但冇口感，又冇鮮味，完全唔新鮮；牛肉豆腐鍋的牛肉冇煮過，塊塊見紅，而且少，食左都唔多覺。服務真係不知所謂，冇茶又唔走黎斟，又干預人地落order，人地食咩關佢地咩事姐，真係鑊鑊新鮮鑊鑊金，又黑面又冇禮貌，仲要陰滋滋講其他客壞話，要講留番係拉閘先講啦，邊有可能仲有人咁樣做野嫁？d員工走出門口食煙，本來都唔關我事，但佢地死人二口煙吹番入鋪，我地食得好辛苦。今次食到真係一肚火，下次見到招牌都要掉頭走。