影片
更多
2025-07-28
79 瀏覽
在東南亞菜裡，越南菜向來係我嘅心頭好，尤其鍾意嗰口清爽嘅湯河。食過唔少生牛肉河，旺角呢間係我成日去嘅據點——比起好多連鎖品牌，呢度嘅牛肉質素同湯頭都明顯更勝一籌。六十幾蚊一碗嘅價錢真係好親民，今次點嘅三寶河粉，牛腱、牛丸、生牛肉三樣配料畀得毫不含糊，份量足到男生嚟食都夠飽。-額外加30蚊點嘅小食手打蝦餅好驚喜，比起泰式蝦餅更顯扎實，咬開滿係鮮甜嘅蝦味，口感超正。另外仲食咗越式牛油雞翼炸得好香脆又有牛油香味佢哋屋企嘅越式牛柳粒紅飯都值得一試。紅飯睇起身似炒飯咁乾爽，其實係拌咗茄汁嘅獨特風味，配埋嫩滑嘅牛柳粒，醬汁濃郁鮮香，特別開胃。而家市面上做呢道菜嘅鋪頭越來越少，可以喺呢度食到真係難得。最加分嘅係細節：全程冇加一服務費，飲品價錢同茶餐廳一樣，加10蚊已經係特飲可以換購芒果西米露或者咸檸七，性價比超高。鋪頭離地鐵站好近，趕時間嘅時候嚟食，快捷又滿足😌
六十幾蚊一碗嘅價錢真係好親民，今次點嘅三寶河粉，牛腱、牛丸、生牛肉三樣配料畀得毫不含糊，份量足到男生嚟食都夠飽。
-
額外加30蚊點嘅小食
手打蝦餅好驚喜，比起泰式蝦餅更顯扎實，咬開滿係鮮甜嘅蝦味，口感超正。
另外仲食咗越式牛油雞翼
炸得好香脆又有牛油香味
佢哋屋企嘅越式牛柳粒紅飯都值得一試。紅飯睇起身似炒飯咁乾爽，其實係拌咗茄汁嘅獨特風味，配埋嫩滑嘅牛柳粒，醬汁濃郁鮮香，特別開胃。而家市面上做呢道菜嘅鋪頭越來越少，可以喺呢度食到真係難得。
最加分嘅係細節：全程冇加一服務費，
飲品價錢同茶餐廳一樣，加10蚊已經係特飲
可以換購芒果西米露或者咸檸七，性價比超高。鋪頭離地鐵站好近，趕時間嘅時候嚟食，快捷又滿足😌
張貼
