鐵牛台灣牛肉麵 (旺角中心第一座) (已結業)

旺角其實一直都有數家食台灣野既舖頭但一路都覺得好似比較一般，無想再食第二次既感覺。今次黎到地理位置好方便嘅旺中，落一層去到地庫就會見到嘅鐵牛台灣牛肉麵。夜晚七點半，鋪頭裏面尚有幾個空位，唔洗等首先有menu 然後出去counter比錢叫左野食先。模式就似程班長咁之後乖乖返埋位等野食黎就得啦先黎個排骨滷肉便當擺設令人覺得有溫馨嘅感覺，飯嘅份量呢就唔係好夠我男朋友食啦。而佢話啲排骨真係有一陣酥炸嘅味道，唔錯紅燒牛筋腩麵話明牛筋腩，但就多左其她內臟，例如牛肚。同埋麵條係幼身既，食落都有彈性，唔會話太淋。珍珠奶茶來講呢，我就認為出面嘅手搖飲品店會比呢一杯珍珠奶茶好飲。而隔離果杯荔枝紅茶呢就相反，頗有驚喜喎 荔枝味夠出，唔會一味死甜。鹽酥雞拼香腸本身以為香腸會係台灣夜市食到嗰隻腸仔，點知黎到先發現比預期中嘅淋，唔夠香口 而鹽酥雞係好食嘅，可惜只有幾粒唔夠喉買單平均每人$90下次會再係旺角試下其她臺灣野食！😋