我地一行三個人，叫左個二人套餐再加小食！
前菜
凱撒沙律，份量幾多，幾大碟，沙律菜新鮮！
香草芝士玉子豆腐
外邊炸過，有啲似韓國炸年糕既煙韌，入面係滑溜既玉子豆腐。芝士汁唔太濃芝士味，平時都係就甘打邊爐食多，依家點埋汁食又另一番風味。:)
主餐
無骨香辣三杯雞火煱，黎到真係嘩左一聲，好大個！！個底係蔬菜，有無骨雞肉、肥牛捲、玉子豆腐、豆卜、魚餅、丸類、無骨雞、辣肉腸等，多不勝數！
個湯有啲辣既，加上三杯雞既醬汁，食物好夠味，唔洗點醬食到得。
本身煱入面已經有肥牛捲，但仲會包一碟安格斯肥牛片。安格斯好有牛肉酥酥地果只味，而肉質同味道較煱入面既好味，肥瘦分佈更平均！牛既份量都好多，好彩無追加，咪食唔晒浪費！
左邊為渝川麵，右邊為米粉
第一次食渝川麵，似係扁烏冬，幾爽口。
一碗滾開有好多。
強烈推介大家食米粉，因為比起其他麵，佢更吸味，加入湯度煮好入味！！正！
開始時驚二人餐唔夠三個人食，所以叫多左個盬酥雞。
外脆內嫩，不過我個人中意濃味，如果多啲粉會更惹味！:)
食火煱，凍飲好重要！好喜歡佢杯飲品係大杯裝，飲極仲有！職員好貼心甘提我地咩色飲管係咩飲品，免得調亂。唯一要挑剔係啲珍珠唔夠林，要咬下先得
雖然話二人餐，但份量夠三個人食！大家記得按自己食量而order ，免做大晒鬼啦
甘食法，每人唔洗$100，抵呀！推推推！
