麵屋神匠

今日要出旺角買野🛍️，就上OpenRice search下附近有咩食啦，見到book位食午市套餐就送一份炸日式餃子🥟，同埋睇埋menu見到唔洗加一就即刻book左位😋。
地理位置都算好方便，出油麻地地鐵站行唔洗2分鐘就到🧍🏼‍♀️。

10

2

坐底之後都係QR code落單📲。嗌左一碗濃厚蝦湯拉麵🍜（$98）。值得一提同要贊嘅位係落完單，啲野食5分鐘內就送到，真係超快手👏🏻🙈。

1

炸日式餃子

啲炸餃子正正常常啦，不過嫌佢炸得有啲太過乾身同太過脆，我自己就麻麻地，但呢份係送嘅，就由佢啦🙈。如果要我比錢嗌，我就唔會啦😢。

濃厚蝦湯拉麵

$98

碗麵送到黎果陣聞到好香好濃嘅蝦湯味🦐，飲落都好正😍，可惜係啲麵質偏淋，同埋食到中途會開始覺得悶同反胃，個味濃得黎太單一😢。
總括黎講，呢間拉麵店🍜試一次就夠，冇咩特別都唔會再去😢。