一休鐵板燒 (已結業)

日式鐵板燒店就見得多，外賣形式真係好少見，價錢咁親民既就更加係少之又少🥺。所有食物即叫即製，絕對新鮮，所以需要等小小時間，不過好既美食，絕對值得等待😎👍。鐵板炒烏冬 $38簡左牛柳&黑椒口味。隔住玻璃可以望住廚師係度炒下炒下好治癒，好似睇表演咁，好開心。圓條烏冬炒得彈牙，充滿黑椒好香口，牛柳絲份量都幾多，唔會炒過龍，軟硬適中，配埋野菜絲，香菇絲，滋味無窮😻。海膽流心忌廉餅 $28一份一3件。表皮炸得香脆，內裏充滿流心海膽忌廉醬，剛剛炸起好燙口，記得小心食用。一放入口好香忌廉味，會覺得係唔係真係有海膽ga??? 當你呑左啖餅之後，海膽既after taste 就出現啦😍！原來都幾濃郁下，真係好好食！中意海膽既朋友真係唔好錯過😚👍！好味指數：7.5/10一休鐵板燒旺角通菜街121號6號舖