Greyhound Café (ELEMENTS圓方) (已結業)

又係一間越開越多，主攻泰國菜嘅連鎖食店，之前都有留意下，但未有機會試。今日同朋友出黎，之後想搵地方食嘢，附近有呢間Greyhound，就入咗嚟喇。坐低嘅時間係下午點零鐘，餐廳都幾full下，未有下午茶，所以我地就單點食物。點咗個帶子、蘆筍、香草寬麵🍝個面嘅質感都幾好，不過帶子煎得有少少燶，份量亦太少。火腿芝士三文治🥪皮薄香脆，入面啲餡係熱辣辣嘅，芝士焗到熔晒，食落好黏口。香煎牛肉🥩粒配香蒜汁牛肉有啲韌，牛肉味亦唔算太突出，不過個醬汁OK，配埋青瓜，有種清新嘅感覺。抹茶千層蛋糕🍰朋友話一定要試佢千層蛋糕，食之前，會再淋多個抹茶味嘅甜醬，個樣就幾靚喇，但個人就覺得太甜喇，少試無妨，一啖就夠。