影片
更多
2012-03-02
39 瀏覽
自問唔係咖啡癡, 亦唔係咖啡專家, 但試左唔少coffee shop, 呢間算係最定唔倒位, 同最唔好飲既一間間舖個setting望落去係幾舒服, 可以比你觀摩barista沖咖啡, 中間張枱又可以同陌生人或店員互相交流, 原意同出發點都係好, 但坐落就覺得呢個setting好有問題:1. 當order hand drip時, 店員騰來騰去, 會同同事/客吹水, 又要拎d架撐上中間張枱度沖. 我就覺得barista冇一個fixed position沖咖啡似表演, 而唔夠認真專注地去沖, 加上張枱同食客共用, barista響冇抹枱既情況下就直接放d brewing tools落張枱度, 感覺有點唔衛生2. 面前妹妹仔拎壺手勢唔多consistent, 感覺似係連鎖咖啡店急就章train個人出黎沖, 睇佢倒水好似手震震咁, 同我響第間cafe睇人hand drip同一款咖啡簡直係兩回事3. 因為呢度開放式setting, 所以人多就好嘈, 而且呢度又容許客人自己試下沖咖啡, 或觀摩佢d咖啡機, 變左我起身觀摩完一輪後, 個位就比人坐左, 加上呢度又好開心地比客人試飲, 更加搞到成枱係杯
間舖個setting望落去係幾舒服, 可以比你觀摩barista沖咖啡, 中間張枱又可以同陌生人或店員互相交流, 原意同出發點都係好, 但坐落就覺得呢個setting好有問題:
1. 當order hand drip時, 店員騰來騰去, 會同同事/客吹水, 又要拎d架撐上中間張枱度沖. 我就覺得barista冇一個fixed position沖咖啡似表演, 而唔夠認真專注地去沖, 加上張枱同食客共用, barista響冇抹枱既情況下就直接放d brewing tools落張枱度, 感覺有點唔衛生
2. 面前妹妹仔拎壺手勢唔多consistent, 感覺似係連鎖咖啡店急就章train個人出黎沖, 睇佢倒水好似手震震咁, 同我響第間cafe睇人hand drip同一款咖啡簡直係兩回事
3. 因為呢度開放式setting, 所以人多就好嘈, 而且呢度又容許客人自己試下沖咖啡, 或觀摩佢d咖啡機, 變左我起身觀摩完一輪後, 個位就比人坐左, 加上呢度又好開心地比客人試飲, 更加搞到成枱係杯, 唔知邊個打邊個...
barista沖好hand drip後試飲, 發覺沖得唔好倒左佢再沖過, 仲比左少少我試, 問我係咪都唔ok. 試問我坐響度睇住佢咁做, 應該讚佢認真? 浪費? 定懷疑佢沖泡功夫未到家?
沖左第2次後barista同我say sorry, 話d豆唔得, 發揮唔倒應有既味道, 建議我揀第隻豆. 此情此景, 我又不禁諗: d豆得唔得點解唔一早試? 如果一早試左唔得, 點解仲要搬字過紙, 將個menu既野好似背書咁背比我聽? 如果唔係聽左佢介話, 而我又話想試的話, 咁佢係咪一直都唔check下d豆得唔得? 如果barista同老細有做功課, 又點解唔開舖前已試好, 並索性同客講, 呢隻今日未ready而改推介第隻?
最後我點左杯piccolo latte, 味道好一般, 頭個層有奶就ok, 但飲左2啖覺得佢味道好冇層次, 不過最抵死既係, 飲完響口中after taste好長, 好香, 奈何佢就係沖得唔好飲!
間舖比我感覺係, 佢似專注賣咖啡機搵錢, 多於真正專注沖靚咖啡比人飲, 事關途中好多人上黎睇機, 變左間舖頓時又嘈又亂, 最大問題係令我覺得咁樣會令barista完全被distracted, 根本唔專注/用心沖好咖啡, 成個環境似遊樂場/吹水站/trade show social gathering多於去享受咖啡既好地方. 某程度上都係間cafe咁既setting而壞左大事
經過今次, 應該唔會比下次機會佢...
張貼
