新樂園魚蛋粉

營業中

休息中

同朋友落樓食下午茶，見佢有我最愛嘅西多士，又有朋友想食嘅焗豬扒飯，就入咗去食啦。雖然叫魚蛋粉，但係有普通茶餐廳嘅食物，都幾好喎，想食乜都可以滿足到，價錢又好平，三條友食到勁飽都唔洗兩舊水😆芝士焗豬扒飯餐，$57，凍奶茶+3最正係豬扒已經切好晒，唔洗自己切得咁辛苦，而且會更入味。芝士都幾多吓，一個人食應該會好滯，所以我哋三個人share食。我就要咗凍奶茶，走甜，好重茶味 ，好香，走甜之後竟然都好好飲，為咗杯凍奶茶，以後會再幫襯😊西多士餐，$28，凍檸茶+3下午茶點可以唔叫邪惡西多士，食咗幾十年都唔會厭😅西多好厚身，入面勁多花生醬😍佢會落少少蜜糖，再俾一大支蜜糖你任你加，想幾甜都得。凍檸茶朋友話都幾好飲，佢飲咗2杯😆豬扒包加薯條餐，$34，凍檸茶+3豬扒包好味呀，層包好脆，應該落咗牛油hon，豬扒夠味，加埋沙律醬，唔錯。薯條係粗薯，如果再脆啲就更好啦。多士餐，$26，熱朱古力多士我哋揀咗果占同奶醬，不過份量相對前兩個餐就細份咗啲 ，啱細食嘅朋友，多士好脆，味道都唔錯。