(p.s.旺角個間貴$20的!!)
但見到呢到有譚魚頭,未試過,仲同小肥羊一樣$138/位包湯底,
見佢寫住匯豐卡有9折,8點前結帳有8折,9點前結帳有85折,
哇!咁筍,梗係一試無妨啦!
上到去,有得睇電視
,由於7點,無咩人,周圍望下,
哇....個爐係d超厚身電磁爐
(如圖),我都未見過=.=",
打算坐第二度,點知其他個d仲衰
gas爐!我無心理準備係呢d feel 囉!
成間野ge feel都係有d殘舊.
至於服務方面,
樓面個d無問題,不過人手就真係唔係好夠,成日唔見人.
d傳菜阿嬸就真係唔多得
,求其放低愈叫愈就走,無位放又唔執開d野就亂放!
order完d食物好耐先送到.
埋單前去洗手間,點知無水洗手!
問下佢地先知原來爆水喉.咁你就貼紙啦!
仲要淨係拎水去男廁,女廁呢?無人架咩!?
至於食物方面,
湯底可以4選2,特別的要+$.
試左個辣ge,同魚湯.辣ge,夠辣
,但魚湯的味就去唔d肉到!
本身包左少少乾蒜,辣椒,但再要要俾$$.成為$10/碟
.
食物選擇好少.
份量-如果你叫肥牛,羊肉片,份量比其他的店舖係少,而佢每次最多可以叫3碟份量.(其實每碟份量就係一人一塊)
鮮蝦雲吞係另計!!$10/6pcs (如圖),不過d蝦真係幾大隻
,唔錯!如果你想食雲吞,有個叫紅油抄手
就係free,不過味道一般.
蒙古肥牛丸:好"鞋"
貢丸:好彈牙同好有口感.
炸魚腐:好味
肉類都算新鮮.
其他的無特別.
另外叫左一渣"捉"庶茅根$38,無加冰,純雪凍.不過我個人覺得甜左d.但飲落一d都唔覺淡.
仲有酸梅湯都係$38渣.其他的$48.
最後,到價錢方面:
原來係散叫先有8點前結帳有8折,9點前結帳有85折
任食的匯豐卡有9折 ,
但不包好多野,如茶芥,加一,特價,…
要硬食:青瓜/花生,一包tissue.
