素菲亞 (大富樓)

今日去咗大角咀探完朋友之後，突然落大雨，咁要揾個地方避下雨先，順手醫吓肚仔，經過一間食肆，門口簡約feel，望入去好乾淨舒服，在門口望咗一陣餐牌，都有唔少選擇，就試吓呢間叫《Sofia Express 素菲亞》素食餐廳。

 

唔想出街仲可以Order  foodpanda

個肚仔未算好肚餓，我叫咗個辣嘅赤龍拉麵、炸墨魚餅、配咗個青瓜薄荷梳打。

辣嘅赤龍拉麵  (辣味噌豆乳湯)

$72

個湯麵唔算細碗，湯底係「辣味噌豆乳湯」，一種湯底內有味噌，豆乳，加上可自選麻辣度，三樣嘢配合得天衣無縫！以前食過一D拉麵得個咸字，食唔落去👎🏻
而呢個湯底唔會太咸搶左辣味，麻麻辣辣感覺在口腔中刺激舌頭，十分過癮 👍🏻

炸餃子夠香脆，三隻剛剛好，好好味；而炸墨魚餅好食到不得了！十分彈牙，我問店員用咩造？原來店員話用蒟蒻造，唔怪之得咁彈牙！

蒟蒻造嘅炸墨魚餅

$20

青瓜薄荷梳打唔太甜，感覺好清新，我連青瓜都食埋就知幾好飲🤪消暑又解渴吖！

清涼可口，好好飲！

$24

其實今晚食物造型/賣相真係睇唔出係素食嚟，成日覺得做到出色好味嘅素食唔容易，呢餐素食，食完唔會有內疚感，堅推介呢間新派素食餐廳！真心有驚喜！