翱希冰室 (已結業)

平時好少係太子搵食，今日黎到附近，上openrice 搵下有咩好食，就搵到呢間冇負評嘅茶餐廳！！！平時我好少食茶餐廳，有部份就服務差，有啲就衛生差，有啲就食物差。 不過見到呢間零負評啲茶餐廳，即刻令到我好想試一試。 入到黎，坐低左，呢度環境好光猛，好新淨，比人感覺幾衛生。 牆上有張poster 推介龍蝦汁意粉，於是我就叫左呢樣， 加 3蚊轉凍奶茶。 大約等左 5分鐘左右，就上齊食物， 好快手。 意粉溫度好夠，夠熱。 隻蝦唔霉，有 2隻青口，都有好肉，成碟好多小貝柱，食到最後都仲有，好足料。 個汁都唔錯。奶茶都好味。67 蚊黎講，冇得彈。 唯一要講講嘅係意粉，唔係彈牙嗰隻，係普通嗰隻，不過 67 蚊黎講我覺得可以接受。