1
甸之御膳一人餐
睇相就覺得吸引，咩食物都有啲，一上枱見到真身就心心眼😍有三款刺身，分別係油甘魚，三文魚，赤蝦，新鮮肥美。個鮑魚估唔到入口又幾淋😆😆
仲有三文魚魚籽卷、吞拿魚卷、海膽帶子卷，三樣都好正。另外仲有三件炸雞，雞肉好juicy。
極上牛小排窩配烏冬
牛小排窩入面牛肉份量超多，牛小排本身唔太肥，入口軟嫰，有肉味，配埋日式壽喜燒湯底，湯底鮮甜味中和左牛肉油膩感，窩入面配料大量仲有娃娃菜，粉絲，金菇同冬菇。因為驚唔夠飽，仲加左$20要埋碗烏冬，呢度係用幼身嘅稻庭烏冬，烏冬非常嫰滑，而且口感煙韌。
鹽燒五花腩
肥瘦適中，入口油脂係個口腔入面爆發。
燒焦糖菠蘿
新鮮的菠蘿再輕輕燒過，好鮮甜。
燒日本青椒仔
一啲都唔辣，仲好爽口，調味又啱啱好。
芝麻雞全翼2隻
炸得好香口，又唔會過乾。
吉列炸蝦4隻
入口熱辣辣，又炸得夠鬆化，個蝦都幾新鮮爽口。
呢間餐廳真係唔錯，空間感夠，仲要係Pet friendly，啱曬有寵物的朋友。
4
