影片
更多
2011-01-18
21 瀏覽
上次同朋友黎食 lunch 實在太趕喇，得約四十五分鐘食飯，急急食完要反工，未能完完全全慢慢去享受一頓法國美食、感受一吓慢食既樂趣 ~ 今次好有計劃地與位同事星期六放晏晝，就相約黎食好野 ~ 跟上次比較，發現全部係全新菜式，好有創意、又有新鮮感，完全無跟上次重覆 ~ 依餐食足 70 分鐘，超值 ﹗環境清靜、燈光柔和、擺設裝修簡潔 ~ 同事參觀過女洗手間，好驚訝又興奮咁話又乾淨、又寬倘、又靚呀，好舒服 ~ 但我掛住食，已經唔記得要去男洗手間度望望添。依個晏晝只有另外兩枱客人，如果可以有少少背垃音樂襯托更好，當然唔係啲嘭嘭聲既的士高歌啦，要配返啲古典音樂就最正喇，本人獨愛鋼琴獨奏 ~ 侍應們都服務殷勤，仲會用溫暖既聲線跟您交談，今次連廚師都出場，跟隔離枱兩位美少女介紹甜品呢，哈哈 ~ 其實我同位同事係門口睇緊 menu 時，位經理已第一時間走出黎介紹及熱情地帶我地入餐廳就坐喇 ~餐前麵包，三款唔同味道同口怠感，可配牛油、橄欖油及黑醋。今次真係熱辣辣上枱喎，比上次有改進，唔通上次唔記得左要反熱？熱先可以聞到麵包香味麻，好香呀、又軟墊，好味，全部食晒，仲係任食架，但當然要留肚食其他好野啦。吞拿
環境清靜、燈光柔和、擺設裝修簡潔 ~ 同事參觀過女洗手間，好驚訝又興奮咁話又乾淨、又寬倘、又靚呀，好舒服 ~ 但我掛住食，已經唔記得要去男洗手間度望望添。
依個晏晝只有另外兩枱客人，如果可以有少少背垃音樂襯托更好，當然唔係啲嘭嘭聲既的士高歌啦，要配返啲古典音樂就最正喇，本人獨愛鋼琴獨奏 ~
侍應們都服務殷勤，仲會用溫暖既聲線跟您交談，今次連廚師都出場，跟隔離枱兩位美少女介紹甜品呢，哈哈 ~ 其實我同位同事係門口睇緊 menu 時，位經理已第一時間走出黎介紹及熱情地帶我地入餐廳就坐喇 ~
餐前麵包，三款唔同味道同口怠感，可配牛油、橄欖油及黑醋。今次真係熱辣辣上枱喎，比上次有改進，唔通上次唔記得左要反熱？熱先可以聞到麵包香味麻，好香呀、又軟墊，好味，全部食晒，仲係任食架，但當然要留肚食其他好野啦。
吞拿魚沙律，原本係蝦巴菲做頭盤架，貪佢夠特別，但不幸地無口褔，剛剛賣晒，勁失望囉，無得試。只得返另一選擇吞拿魚沙律，不過當沙律上枱時，賣相好靚好吸引喎，當堂舒解鬱結。好美味，好濃魚味又夠凍，蔬菜新鮮。碟邊有三種汁料，可以試到不同三種味道呢。
意大利意米湯，好特別，一放上枱已經好香好香，非常香既忌廉味，溫度剛好熱得黎唔會燙到咀，口感幼滑，有少許什菜，意米煲到透明又嚥嚥韌韌，好滿意，仲令到我想再來一碗啊，想飲多啲。
扒西班牙極黑豚鞍扒配西梅汁，好香好濃郁既豬肉香味，鋸一刀，肉汁滲住出黎，肉質好鮮嫰軟棉，恰到好處，香料不會搶去肉本身既鮮味，淡味既西海汁作少少點綴，配合得天衣無縫，再配少許芥苿醬同吃，更刺激，濃郁既肉汁夾香味由味蕾直衝大腦，無得彈。配菜一啲都無馬虎，焗釀薯皮，餡料有芝士、煙肉、辣肉、洋蔥，勁香口，未食過焗薯皮可以咁爽口架，唔係腍架喎，好特別。
燒鵪鶉胸卷煙肉配粟米薯餅，鵪鶉燒得乾身，皮香肉嫰，肉汁豐盈，淡淡既肉香配搭住脆口又濃味既煙肉，味道剛好平衡，再加上帶甜既燒汁，不俗不俗。粟米薯餅，係薯蓉撈埋粟米一齊煎，外脆內軟，好有趣既口感，而且好和薯仔味，薯蓉應該係架左味架呢。
即磨熱咖啡，飲左幾十年咖啡，都係第一間餐廳咁細心，啲奶係暖架，咁樣唔會令到杯熱咖啡溫度降低，而且溫度又唔會太高，唔會令到奶既質感同味道有所改變。當加入熱奶後既咖啡，口感即時滑晒，非常高質既一杯普通熱齋啡，正。
咖啡慕絲，本人不好甜、亦不好甜品，但黎到依度，點都一試。清新既甜味，不濃、不帶，幾好，質感似較硬淨既布甸多過似慕絲。跟帶酸甜既草莓同吃，滿意。
藍莓餅，酸酸甜甜既藍莓醬令人好開胃，食一啖仲想食多啖，餅底鬆化，連我都話正。
張貼
