影片
更多
2023-09-17
89 瀏覽
之前幫襯過一次，遇到好好嘅老闆娘。食物都唔錯，令我留下一個好印象。所以今次決定帶埋屋企人去試吓，點知就瀨晒嘢。一整晚遇上幾個員工，有態度欠佳嘅亦有彷彿未被培訓過的，亦有當睇你唔到嘅。有一位員工成日望住你笑，但係無論你講乜嘢語言佢都聽唔明。不幸地佢負責我哋張枱。佢哋好似好唔夠人咁。想落單要等好耐，想攞啲嘢又要等好耐。啲人不停咁跑來跑去好似好忙咁。我想加單同serve我張枱個waitress講。佢話OK OK最終係乜嘢都冇做過。跟住搵到另外一個佢又話OK，等咗好耐都未嚟。跟住搵另外一個問吓係咪漏咗單，佢話佢check走咗又唔返嚟。後來比我捉番佢，佢就話佢冇時間check。最終搵到一個真係幫我落咗單。我叫咗個海鮮湯麵。等咗好耐嚟到嘅時候發覺冇面，但我哋已經唔想再糾纏落去，所以是但食咗就算。嗰啲蟹係霉既，埋單嘅時候諗住反映下。點知睇一睇張單發現連個價錢都唔啱，佢就話我哋食嗰個係海鮮湯唔係海鮮湯麵。佢話個碗唔一樣。我話我點會知道你個碗係點？你擺得喺我枱面又係海鮮湯，我以為只係冇面咪照食囉。跟住個老闆走過來（係一個男人唔係上次好好嘅老闆娘），瘋狂用韓文加有啲類似英文同類似國語嘅語言黎鬧我哋。我唔知
**彩蛋：走嘅時候有幾位客人上嚟問有冇位。老闆話冇要等。幾個客人唔想等所以走。佢立刻表示不滿，同佢哋講「你做咩呀？你唔等呀？！」（大佬，你不如叫行上嚟嘅客食唔食都要擺低錢先好走😏)
張貼