影片
更多
2025-07-14
350 瀏覽
中午想食得有異國風情？中環SOHO區Jashan印度自助餐真係超抵！環境乾淨企理，裝修有印度風味，連店員同客人都好國際化，服務態度非常親切，清碟速度一流👍自助餐價錢包飲品，推介芒果奶昔，甜甜地啱晒解辣。每枱有4隻印度香料脆球，店員細心教學一口食落，香料水喺口爆開，感覺新鮮又刺激！仲有兩片印度捲餅同4片手撕烤餅，已經好有飽足感。烤餅可以點咖喱、薄荷醬同忌廉，醬汁任你拎，完全實現醬汁自由！自助區選擇唔少，沙律、豆類、蔬菜、脆脆任拎；熱食有印度炸魚、炸雞、素菜波波、春卷，仲有菜芝士、茄子薯仔、咖喱雞、各款印度醬汁同米飯，樣樣都好惹味。甜品推介玫瑰奶球，外型似雞蛋，入口超甜帶微微玫瑰香，第一次試感覺幾有趣。仲可以即叫即整印度薄餅，熱辣辣送上枱，配醬食一流～以呢個價錢，中環區嚟講真心抵食，下次同朋友lunch可以一試！
自助餐價錢包飲品，推介芒果奶昔，甜甜地啱晒解辣。
每枱有4隻印度香料脆球，店員細心教學一口食落，香料水喺口爆開，感覺新鮮又刺激！
仲有兩片印度捲餅同4片手撕烤餅，已經好有飽足感。烤餅可以點咖喱、薄荷醬同忌廉，醬汁任你拎，完全實現醬汁自由！
自助區選擇唔少，沙律、豆類、蔬菜、脆脆任拎；熱食有印度炸魚、炸雞、素菜波波、春卷，仲有菜芝士、茄子薯仔、咖喱雞、各款印度醬汁同米飯，樣樣都好惹味。
甜品推介玫瑰奶球，外型似雞蛋，入口超甜帶微微玫瑰香，第一次試感覺幾有趣。
仲可以即叫即整印度薄餅，熱辣辣送上枱，配醬食一流～以呢個價錢，中環區嚟講真心抵食，下次同朋友lunch可以一試！
張貼
