DONKA 自家湯汁麵食專門店 (已結業)

星期一黎到竟然係暫休日，於是星期三再黎。午餐無蟹黃烏冬，但有堅料午餐。我點左日式咖喱蜜糖烤雞扒配飯，賣相唔差，1件紅蘿蔔，4件薯仔煮得剛剛好，唔過粉唔係生薯，4件好厚肉雞扒，雞皮燒得脆，亦唔係好多肥膏，搞到我都食左3片，而肉方面係嫩，不過有一個問題就係蜜糖燒得太耐導致有少少酸，影響左肉嘅味道，但雞肉咁嫩唔似燒得耐，可能係蜜糖品種唔適宜用火燒，而咖喱有好少好少辣，中等無太大挑剔。另一款係日式咖喱牛肉切片燒配飯，睇牛肉果樣已經覺得應該美味，份量頗多，試食第一片，果真非常美味，肉軟熟有肉汁，再encore左2片，其他配菜跟我應該無分別。跟餐叫左2杯凍青檸水，簡單一啲，又可以消暑。