影片
更多
2022-10-05
26 瀏覽
同屋企人慶祝生日，母親大人話想試下食法國Fine Dining菜，咁岩上網見到大埔開左間法國菜餐廳，就一於去試下啦！餐廳位於太和中心附近，由太和火車站行10分鐘左右就到～而且附近都多泊車位，尚算方便！餐廳既裝潢十分高貴華麗，絕對不遜色於港島區既法國餐廳呢！金黃碧麗既酒櫃，有多些紅白酒威士忌及基酒餐廳採用返法國牌子Le Creuset既餐具，質感非常好！餐牌選擇亦都非常豐富，除左有套餐選擇，散叫亦都係一個不錯選擇，價錢係法國菜餐廳黎講已算十分優惠！日本時令生蠔我地叫左一打生蠔作為前菜～雖然係法國餐廳食日本生蠔好似有少少奇怪但生蠔超新鮮，肉質飽滿～！就咁食同加醬汁有唔同既風味～可以每隻都試下不同口味呢！Blue Hawaii餐廳有多款Cocktail選擇，係炎熱既天氣下我就選擇左一杯較清爽既雞尾酒～望落真係好Fresh架～酒精味度唔算重，菠蘿味都較為突出~甜甜地幾好飲！Dream依款係特別既Cocktail，上枱前會有一個泡泡係杯上面～可惜影之前唔小心整爆左個泡泡～哈哈！講返杯酒，法式香料烤龍蝦海鮮蒠米飯蒠米飯幾特別，平時好少機會食到，感覺上有Ｄ似意大利飯但口感上又有點不同～龍蝦好大隻好彈
餐廳位於太和中心附近，由太和火車站行10分鐘左右就到～而且附近都多泊車位，尚算方便！
餐廳既裝潢十分高貴華麗，絕對不遜色於港島區既法國餐廳呢！
金黃碧麗既酒櫃，有多些紅白酒威士忌及基酒
餐廳採用返法國牌子Le Creuset既餐具，質感非常好！
餐牌選擇亦都非常豐富，除左有套餐選擇，散叫亦都係一個不錯選擇，價錢係法國菜餐廳黎講已算十分優惠！
日本時令生蠔
我地叫左一打生蠔作為前菜～雖然係法國餐廳食日本生蠔好似有少少奇怪但生蠔超新鮮，肉質飽滿～！就咁食同加醬汁有唔同既風味～可以每隻都試下不同口味呢！
Blue Hawaii
餐廳有多款Cocktail選擇，係炎熱既天氣下我就選擇左一杯較清爽既雞尾酒～望落真係好Fresh架～酒精味度唔算重，菠蘿味都較為突出~甜甜地幾好飲！
Dream
依款係特別既Cocktail，上枱前會有一個泡泡係杯上面～可惜影之前唔小心整爆左個泡泡～哈哈！講返杯酒，
法式香料烤龍蝦海鮮蒠米飯
蒠米飯幾特別，平時好少機會食到，感覺上有Ｄ似意大利飯但口感上又有點不同～龍蝦好大隻好彈牙！龍蝦味亦好香。帶子大大粒亦好彈牙
忌廉加拿大海膽扁意粉
賣相一絕既一道主菜，意粉上鋪住一大條加拿大海膽，上面仲有些少金泊！海膽非常Creamy，味道濃郁，用少少海膽配合一大口意粉依舊會整個口腔充滿海膽鮮味！非常神奇！
而扁意粉本身亦非常出色，忌廉為意粉帶來Creamy質感，意粉軟硬適中。
威靈頓牛柳
難得有威靈頓牛柳當然要一試，非常考功夫既一道菜！結果無令我地失望，酥皮好脆，牛肉依舊保持嫩滑Juicy～切落去果陣唔會散開晒！
酥皮內既磨茹醬非常香，其它配菜亦好好味～非常不錯既一道菜式！
焦糖蘋果雪糕
好精緻既一道甜品，蘋果鋪滿焦糖醬汁～甜而不膩配合埋雪糕食非常特別，味道豐富
總結而言非常有驚喜既法國菜餐廳～估唔到係新界都可以食到咁有水準既法國菜！
而且價錢亦唔算好貴～想試下食法國Fine Dining既朋友絕對可以一試～
張貼
