香港味道 (已結業)

新蒲崗雖然係岀名既美食天堂，咩茶式都包羅萬有，好多連鎖食肆已經試過好多次。咁岩見到以前麗斯戲院果個轉角位有間茶記，其實開張左好幾年，但一直冇機會試😝。入面環境唔算大，都算坐得舒舒服服同勝在夠整潔，同朋友嗌左個西多士同豬扒包，價錢合理，經濟又實惠。但係我個豬扒包等左好耐都未到🙄，原來d伙記漏左單，不過好快就送到嚟。等左咁耐終於食到個招牌豬扒包，果然冇令我失望，包夠熱，豬扒嫩口多汁🤤，值得再試！