Cakebearbear (已結業)

小朋友玩滑板車嘅時候，佢哋發現開咗間新餐廳，入面有好多bear，佢哋已經叫住話想入去食嘢，我見價錢唔貴試吓。估唔到食物好有驚喜，松露帶子意粉，好香黑松露味，帶子大大粒好有口感。明太子意粉，意粉軟硬度適中，明太子少少辣特別開胃。最驚喜係鰻魚飯，超大條鰻魚，好肥美，配埋汁同飯一齊食，真係非常滿足。啲嘢食對於大人嚟講真係合格有餘，不過對小朋友都係比隻啤啤吸引，全間餐廳都有好多啤啤陪住小朋友食飯，連飲品杯士多啤梨特飲粒bear bear冰塊都係好吸引。埋單嘅時候會送卬仔，儲夠卬仔仲可以換隻啤啤走添，引到我啲仔話下個禮拜要再嚟食。哈