和藏 (已結業)

一個唔起眼既工業大廈，更加估唔到係咁多野食既一餐。和藏位於工業大廈入面，開門入去之後已經感到佢係非一般咁簡單。呢度有set A,B,C，每個set都可以享用出面既自助區，入面既野係任食既。而我地兩個人叫左個B餐。自助區已經好多野食，有生蠔(呢個任食已經值回票價)，刺身，長腳蟹等等，仲有熟食，湯，甜品，雪糕等等數之不盡。野飲又係任你飲，仲要提供而家流行既韓式飲品，忌廉溝鮮奶同cider呢d指定野當然必有！套餐同樣係好多野食意大利海鮮冰山，好多海鮮，三文魚刺身，帶子，長腳蟹等等，淨係呢個已經夠多野食！三文魚都幾爽口又厚切，長腳蟹大大隻，其他刺身都幾好食。黑松露醬伴磯燒鮑魚，雖然燒過，但唔會"un"，好爽口，配上黑松露，十分好食，口感一流！鐵板祕醬蝦碌，甜帶少辣，但係呢個袐醬真係未試過，蝦係啖啖肉。鐵板蟹肉燴意粉，幾香同埋個汁幾好味。金華火腿上湯浸娃娃菜，絕對唔係得幾條娃娃菜，浸左上湯既菜軟淋淋，好好食。炭燒三文魚鮨，d魚肉好嫩滑，皮就燒得幾香。車打芝士培根脆件，蒜蓉包加上芝士同煙肉，最重要焗得夠脆，蒜蓉又夠，好味！安格斯牛肉Shabu Shabu，有一個粥底既火鍋加上牛肉，其他烏冬，菜同丸