極上龍吟海鮮丼專門店 (已結業)

今日約左人係太子打藍球，所以再來太子一轉，放工出到去都已經七點，早少少搵野食唔洗打波咁辛苦，之後係花園街行左陣睇下想食咩好，見到間「極上龍吟」好像很美味的樣子，我們決定要試一試！同魚生飯就停下來係門口望下先，因為而家好多地方都有，係咩配對者，之後見到都好似幾好咁，咁就入去坐底試下先。佢既地方都裝修都唔錯，又舒服，見到餐牌都算多選擇，D壽司同手倦都算平，所以叫左個三文魚手捲試下先，原來叫野食係寫號碼落張紙仔到落單，見到個丼飯既餐牌大多選擇了，決定叫左個帆立貝赤蝦丼來吃。手捲都幾好，勝在夠新鮮，三文魚又夠多又新鮮，紫菜仲脆卜卜添。今次個刺身飯帶子同赤蝦都非常之出色，帆立貝食到個鮮甜味另外因為用了檸檬做間格，所以帆立貝有檸檬香味更加吸引，赤蝦又大隻又夠爽口，之後又有海帶絲放在飯同刺身之間，連埋飯同刺身一起食真係一絕。