風味堂 (已結業)

已經食過奧海城無數次、再行遠少少去大角咀，見到呢間風味堂啲評語好似唔錯 😜 就入去試吓。 兩個人有少少眼闊肚窄，點左花甲粉絲窩，花甲非常新鮮，份量都唔細。再叫多一個和風溫泉蛋牛肉井，已經飽咗七八成；但係仲叫左螢光魷魚 😉 好味，份量唔少！ 雞泡魚乾😆 好好味。 仲叫咗牛舌同牛肋肉串燒，埋單先至$340 😱 好抵食！舖頭好細，數過應該只有16個位，其實呢講乜嘢隔離枱都會聽到㗎喇 🤪 不過冇辦法啦。 順帶一提鋪面兩個後生仔女服務好好，尤其是嗰個男仔good service 👍