影片
更多
2021-05-25
20 瀏覽
疫情之下，好多時連出街食飯嘅意慾都會大減，「宅在家」已經成為習慣，一係就自己煮一係就叫外賣番屋企食，但有啲野食外賣就會變得無咁好味，好似炸物、串燒咁，即叫即製先至最好食！但而家係屋企都可以食到即燒嘅串燒喇～上網睇下啲野食片，咁岩見到有人介紹外賣嘅串燒套餐，唔係普通嘅係餐廳整完拎番屋企果種，而係可以係屋企自己燒果隻。呢個串燒套餐有齊4包肉（分別係牛、羊、豬、雞）同埋一盒辣味花生醬同原味花生醬而且仲有一個細細地嘅鐵板爐仔，人人都可以係屋企係即燒嘅熱辣辣串燒！每包肉都有12串肉，姐係一set就可以食48串肉，兩個人食都綽綽有餘！兩盒花生醬都好足料，就算係我呢啲鍾意點多醬嘅人都夠哂食！原味花生醬個質地好順滑，一點就可以黐住串燒；而辣味花生醬入面就有原粒花生，配埋串燒一齊食都幾惹味架～唔好睇佢爐仔細細，其實火力十足，一次過可以燒5-6串都無問題，下面仲有兩個兜兜，可以用黎放兩款醬料去整熱佢黎點串燒食。而且個爐勝在的骰實用，今次食完仲可以清洗乾淨等下次食，放係屋企又唔會好佔空間，為番個套餐都算幾抵。串燒一定要熱辣辣先好食，每一輪大約燒5分鐘就可以食，每一包串燒都已經調好味先講雞肉串燒好易入口，最岩
上網睇下啲野食片，咁岩見到有人介紹外賣嘅串燒套餐，唔係普通嘅係餐廳整完拎番屋企果種，而係可以係屋企自己燒果隻。
呢個串燒套餐有齊4包肉（分別係牛、羊、豬、雞）
同埋一盒辣味花生醬同原味花生醬
而且仲有一個細細地嘅鐵板爐仔，人人都可以係屋企係即燒嘅熱辣辣串燒！
每包肉都有12串肉，姐係一set就可以食48串肉，兩個人食都綽綽有餘！
兩盒花生醬都好足料，就算係我呢啲鍾意點多醬嘅人都夠哂食！原味花生醬個質地好順滑，一點就可以黐住串燒；而辣味花生醬入面就有原粒花生，配埋串燒一齊食都幾惹味架～
唔好睇佢爐仔細細，其實火力十足，一次過可以燒5-6串都無問題，下面仲有兩個兜兜，可以用黎放兩款醬料去整熱佢黎點串燒食。
而且個爐勝在的骰實用，今次食完仲可以清洗乾淨等下次食，放係屋企又唔會好佔空間，為番個套餐都算幾抵。
串燒一定要熱辣辣先好食，每一輪大約燒5分鐘就可以食，每一包串燒都已經調好味
先講雞肉串燒好易入口，最岩用黎點辣味花生醬。牛肉同羊肉串燒就幾易咬又唔會好多筋。豬肉肉味都幾香，整體上四款都唔錯！
張貼
