影片
更多
2014-06-28
396 瀏覽
22-6-2014 (Sun)同男友食完豆花妹米線後,按原定計劃o係o度買$12.00有5球o既雪糕,由於有好多種味揀,睇得我花多眼亂,就先篩o左普通味o既先,同男老闆講要10個唔同味o既雪糕球,而因為時間尚早,曲奇妙趣同呂宋香芒都賣晒未補貨,好的,反正呢兩種味我都可以唔食.但我睇menu同老闆夫婦講一定要有貓山榴槤(加$1.00),提子冧酒,意大利芝士蛋糕(細加入2.00),山水豆腐,藍珠果,特濃咖啡,烤番薯,老闆娘極力推介泰國椰子王,我話好啦,見你咁推介,我又望到有桂味荔枝,就要埋呢個,混亂間,唔知自己叫o左幾多個隻味,總之佢o地幫我砌夠10個.佢o地幫我整好一個後,我就自己加糖同朱古力漿,然後先拎俾男友,第二個都整起喇,我就加士多啤梨漿,老闆娘就提醒我,唔好加落貓山榴槤o度,咁樣會唔好食.啊.一路佢都有同我傾偈,話特濃咖啡真係特濃,好好味o既.我又話我會唔記得邊隻味打邊隻味,佢就指晒俾我話我知邊隻係咩味.攪好晒影埋相食得.我先食唧o左士多啤梨漿o個個,最頂o個個就係意大利芝士蛋糕,味道都算濃,而原來裡面都有啲碎,幾有料,唔怪得要加$2.00;之後到唔可以加o野o既貓山榴槤,嗯,呢
但我睇menu同老闆夫婦講一定要有貓山榴槤(加$1.00),提子冧酒,意大利芝士蛋糕(細加入2.00),山水豆腐,藍珠果,特濃咖啡,烤番薯,老闆娘極力推介泰國椰子王,我話好啦,見你咁推介,我又望到有桂味荔枝,就要埋呢個,混亂間,唔知自己叫o左幾多個隻味,總之佢o地幫我砌夠10個.
佢o地幫我整好一個後,我就自己加糖同朱古力漿,然後先拎俾男友,第二個都整起喇,我就加士多啤梨漿,老闆娘就提醒我,唔好加落貓山榴槤o度,咁樣會唔好食.啊.一路佢都有同我傾偈,話特濃咖啡真係特濃,好好味o既.我又話我會唔記得邊隻味打邊隻味,佢就指晒俾我話我知邊隻係咩味.
攪好晒影埋相食得.
我先食唧o左士多啤梨漿o個個,最頂o個個就係意大利芝士蛋糕,味道都算濃,而原來裡面都有啲碎,幾有料,唔怪得要加$2.00;
之後到唔可以加o野o既貓山榴槤,嗯,呢個味道絕對係濃,但又唔係太大陣味;而粉紅色o個個呢?我好似冇叫咩粉紅色o既雪糕喎,男友話係蜜桃之戀, 原來男老闆幫我加o左呢個,呢個又卻食唔出咩桃味,一般.如果我知佢俾呢隻味我,我就要北海道紅豆.之後到藍色o個個,係藍珠果,即藍莓,呢個味道都好濃;而最底o既係特濃咖啡,味道都係濃郁.
而加朱古力漿o個個呢?,男友一食頂o個個就話味道好熟悉,應該係豆腐,冇錯,就係山水豆腐;下面白色o個個係泰國椰子王,我就覺得椰子味淡啲;隔離o個個一就食到超甜番薯味,就係烤番薯;粉紫色o既係提子冧酒,味道同樣係濃;
而最底o個個係一食就知係荔枝,係桂味荔枝.雪糕大多數都濃郁,一食就食得出咩味,唔會好似其他o個啲,話咩味咩味但食唔出.不過美中不足o既係,有啲雪糕如意大利芝士蛋糕比較鬆散,我拮落去就散開,要男友輔助至勺到o黎食.
下次我o地會試芝麻街,靜岡草莓同北海道紅豆雪糕.
味道係4.23分
張貼
