日本清酒藏所

營業中

休息中

有一晚喺銅鑼灣行街，行到去食街，見到有一間日本餐廳，裝修十分之華麗，原來係全新開張，入到去先知道，原來係一間專門飲清酒嘅新開酒吧，原本諗住走，點知原來有日本菜食，即管坐低，不過都等咗一陣，因為好爆棚，坐低之後，發現有一部自助斟酒的清酒機，可以選擇唔同牌子的清酒，真係未見過咁先進嘅清酒酒吧！裝修又別緻，而且各類日本小食好味又創新，服務態度又好，最值得一讚係，坐到十點左右嘅時候，突然間有個師傅推架車出嚟派即做壽司，仲要係免費送俾在座客人食，十分之有驚喜，所以絕對值得一去再去，因為以咁嘅價錢，咁嘅食物質素，咁嘅環境，真係超值！建議年青人可以幫襯 Happy Hours，聽聞價錢更加超值！不過，如果唔想等位，真係建議大家要早啲預約book 位！