影片
更多
2019-03-21
28 瀏覽
公司附近新開左間泰國菜，地點一萬個方便，就正正係滙豐斜對面，尖沙咀既中心點，離遠見到個門口好光鮮，大大個字寫住Tom Yum Noodle，感覺好似非常唔錯咁，就簡左食呢間餐廳啦！入到去見到粉紅色梳化加草坡背景既牆上面有霓虹燈既圖案，而入面都係梳化位，環境都幾舒服下。我地兩個人叫左一個牛肉船河 （鮮牛肉+扎肉）$68、鐵板蠔仔煎蛋$78、泰式特色椰菜苗$78，另外再加左兩杯野飲,龍眼冰$28同青檸梳打$28。鐵板蠔仔煎蛋呢個估佢唔到既好味，好食過好多九龍城既泰國餐廳！佢地d蠔仔好新鮮，唔會灰灰暗暗咁GE色，或者一pat pat好水；而佢亦都處理得好好，唔會食到有蠔殼。呢到既粒粒分明，仲要大大粒，同蛋漿Mix一齊黎煎，正呀！呢度個食好食，咸甜剛好，而且醬唔會太，我唔算食得辣，而呢度GE辣係我覺得都幾老少咸宜。驚喜泰式特色椰菜苗呢個個醬汁同樣調得好好，好惹味得黎又唔會過辣。出面有d會炒到D菜出哂水或者太多油，但係呢到既唔會。椰菜苗夠乾身而汁可以掛係上面，好好味，好食到想再夠食添，哈哈。牛肉船河 （鮮牛肉+扎肉）份量十足，2個女仔食都好夠食，仲要係尖沙咀呢個地區只係收你$68一大碗，扎肉俾8
公司附近新開左間泰國菜，地點一萬個方便，就正正係滙豐斜對面，尖沙咀既中心點，離遠見到個門口好光鮮，大大個字寫住Tom Yum Noodle，感覺好似非常唔錯咁，就簡左食呢間餐廳啦！
入到去見到粉紅色梳化加草坡背景既牆上面有霓虹燈既圖案，而入面都係梳化位，環境都幾舒服下。
我地兩個人叫左一個牛肉船河 （鮮牛肉+扎肉）$68、鐵板蠔仔煎蛋$78、泰式特色椰菜苗$78，另外再加左兩杯野飲,龍眼冰$28同青檸梳打$28。
鐵板蠔仔煎蛋
呢個估佢唔到既好味，好食過好多九龍城既泰國餐廳！佢地d蠔仔好新鮮，唔會灰灰暗暗咁GE色，或者一pat pat好水；而佢亦都處理得好好，唔會食到有蠔殼。呢到既粒粒分明，仲要大大粒，同蛋漿Mix一齊黎煎，正呀！呢度個食好食，咸甜剛好，而且醬唔會太，我唔算食得辣，而呢度GE辣係我覺得都幾老少咸宜。驚喜
泰式特色椰菜苗
呢個個醬汁同樣調得好好，好惹味得黎又唔會過辣。出面有d會炒到D菜出哂水或者太多油，但係呢到既唔會。椰菜苗夠乾身而汁可以掛係上面，好好味，好食到想再夠食添，哈哈。
牛肉船河 （鮮牛肉+扎肉）
份量十足，2個女仔食都好夠食，仲要係尖沙咀呢個地區只係收你$68一大碗，扎肉俾8，9片俾你、厚身GE。船河湯底咸度剛好，唔會太濃味而搶過其他食材GE味道。
青檸冰同龍眼冰都係大大杯，$28抵飲。食完成餐飯都未飲哂。
除左野食驚喜，服務都好好，會主動俾餐具同碗你share。Overall 黎講都係性價比幾高，水準略高GE餐廳。
張貼
