香港仔魚蛋粉 (已結業)

今日食完lunch要去橫頭磡做野。於是選了公司附近嘅粉麵店。雖然我成日經過呢間野，不過就未試過。估唔到食物質素同味道都唔錯喎。不過環境就麻麻，好逼。要了牛什拼豆苗餃河。落單時叫佢走腸多肺，但完全係左耳入右耳出！碗野黎到，無錯係無腸，不過肺就無多到，只係得一舊，過份！有三、四件牛肚，不過炆得未夠淋，仲有點韌。牛膀又係得一舊，一樣係未夠火候未夠淋又未夠粉。牛肺就好夠味，偏咸，質地ok，都算淋。豆苗餃個皮夠薄，餡料份量多，好飽滿。豆苗同蝦比例均勻。不錯。湯底也不俗，佢話係魚骨湯，呈奶白色，味道濃，無味精。