地中海茄泥醬
聽個名都覺得吸引，感覺好似鷹嘴豆蓉，雖然餐牌寫咗有茄子，芝士甘筍蘆筍，但係食入口真係食唔出，不過有地中海味道，再配上熱熱嘅烤包包，味道特別，好食！
海鮮拼盤串燒
個賣相吸引到暈，粒檸檬喺啲海鮮上邊滴啲汁落去，有三文魚同埋大蝦再夾啲紅椒青椒係中間。令到檸檬汁將海鮮嘅鮮味帶咗出嚟。雖然有一舊魚比較硬，但整體來講都唔錯。好啱做完運動需要大量蛋白質🤣
叫咗個BSP Pizza諗住試一試，呢個Pizza真係冇諗過咁好食，薄薄嘅餅底配上煙肉同埋辣肉腸及
洋蔥，其實睇上去好似好簡單，出奇地好食，淡淡都食到配料，份量亦足夠兩至三個人食，但係因為太好食，食完都好似仲想食😅！
做完運動食返大量嘅蛋白質，再加上整體嘅感覺裝修都好好，一路寫一路都仲想再食嗰個Pizza😂
