影片
更多
2018-11-12
61 瀏覽
星期日喺旺角買完玩具，行吓行吓已到兩點，係時候醫肚啦！無意中見到信和斜對面大廈4樓「孖啡」二字，一於上去食晏飲嘢+hea吓先！一出𨋢就見「孖啡」，招牌下介紹“孖啡”for cafe·dinning·games·party，原來同層仲有兩間Party House。入到「孖啡」環境果然開揚舒服，全都係軟軟梳化，又有好多卡位，之前完全無發現喺旺角鬧市中有咁休閒舒適嘅cafe餐廳。經過門口時發現兩個架，放滿好多唔同種類嘅card game、群體消遣遊戲等玩意，俾我哋一邊飲食、一邊玩，超細心周到呀！飲品、小食種類選擇好多，剛好午餐時段有lunch set，A-J有十款揀再包一杯$38飲品，以優惠價追加龍蝦湯、蛋糕or朱古力心太軟雪糕，超抵食！我哋叫左兩個Set，再加配龍蝦湯&蛋糕各一客：<< 薄荷咖啡 & 蜜桃紅茶 >>～ 飲品賣相吸引，上層軟滑忌廉，薄荷與咖啡比例剛剛好；蜜桃味香配上紅茶，解渴一流，兩款都好好飲。<< 龍蝦湯 >>～ 香濃幼滑龍蝦湯，只係加$18，絕對超值又好飲。<< 卡邦尼煙肉意大利粉 >
一出𨋢就見「孖啡」，招牌下介紹“孖啡”for cafe·dinning·games·party，原來同層仲有兩間Party House。入到「孖啡」環境果然開揚舒服，全都係軟軟梳化，又有好多卡位，之前完全無發現喺旺角鬧市中有咁休閒舒適嘅cafe餐廳。
經過門口時發現兩個架，放滿好多唔同種類嘅card game、群體消遣遊戲等玩意，俾我哋一邊飲食、一邊玩，超細心周到呀！
飲品、小食種類選擇好多，剛好午餐時段有lunch set，A-J有十款揀再包一杯$38飲品，以優惠價追加龍蝦湯、蛋糕or朱古力心太軟雪糕，超抵食！
我哋叫左兩個Set，再加配龍蝦湯&蛋糕各一客：
<< 薄荷咖啡 & 蜜桃紅茶 >>
～ 飲品賣相吸引，上層軟滑忌廉，薄荷與咖啡比例剛剛好；蜜桃味香配上紅茶，解渴一流，兩款都好好飲。
<< 龍蝦湯 >>
～ 香濃幼滑龍蝦湯，只係加$18，絕對超值又好飲。
<< 卡邦尼煙肉意大利粉 >>
～ 一貫出色嘅卡邦尼意粉，汁香、煙肉+芝味濃，意粉又彈口，好正呀！
<< 鮮茄焗豬扒飯 >>
～ 真材實料焗豬扒飯，一啲都唔肥膩，一個唔錯嘅懷舊風味選擇。
<< 芝士蛋糕 >>
～ 芝士味濃，口感香滑嘅芝士蛋糕，又係一個超值加配，好好食。
「孖啡」的確係旺角鬧市中的一個集抵食抵飲、消遣娛樂、傾計hea休、聯繫gathering⋯⋯等休閒舒適好地方。今次無意中嘅發現，等我同班friends喺旺角區有個超正聚合點啦！
張貼
