餐廳裝修簡約，以黃白及木作主色調。雖然提供嘅產品唔算好多，但係都足夠令我嘅選擇困難症發作😂😂尤其是套餐真係幾抵，包主食及湯粉或者甜品，加多$1x仲可以飲埋珍珠奶茶🧋
藥膳排骨一上枱已經聞到好香嘅藥材味，排骨夠入味又唔會好鞋，份量亦唔少，有7⃣️舊左右。
食曬碗滷肉飯上面嘅肉之後，忍唔住攞啲湯嚟撈飯，少有地食曬成碗飯😆亦都係因為啲滷肉太好送飯，半肥瘦嘅肉粒入口即化，一啲都唔覺得肥膩😍
海鮮芋頭米粉湯材料好足，配料有肉末、大大塊鮮魷魚🦑同蝦仁🦐因為芋頭煮溶咗，所以湯頭就好似一般台式湯羹咁較杰。味道鮮美而且胡椒味濃。
小食滷水豆腐口感唔同平時嘅豆腐，較爽口。
食得台灣菜就梗係飲返台飲蒟蒻球百香果綠茶好清爽，酸酸甜甜再加埋煙韌嘅蒟蒻，我鍾意❤️芋香珍珠奶茶珍珠Q彈而且芋香味濃。
最後食埋碗酸酸甜甜嘅青檸愛玉凍，好清爽又消暑😌
Menu 👇🏼👇🏼
