MOO MOO

營業中

休息中

今日出左去牛頭角蒸腳，放鬆一下。蒸完見肚餓，睇下有咩食，醫下肚。尋尋覓覓，終於發現呢間係巷頭食burger ge店。呢間店有分户外同室內座位。咁鬼熱緊係要去室內坐下啦。burger種類十分之多，我同友人就叫左個白菌之堡同經典之堡。兩個burger都係配以安格斯牛，配菜都係蕃茄、洋蔥、生菜等。burger十分之厚實，食完極級飽，可見係真材實料。經典之堡就係classic，同外國burger一樣，安格斯牛稍熟，但都有肉汁。白菌之堡顧名思義多左白菌，口感豐富左，個burger本身已經juicy，依家係極級juicy。白菌之堡個汁仲要帶少少松露，味道即刻昇華左。好欣賞呢間店個包係會有烘過，食起上黎帶脆身，十分正。