深宵食堂 (已結業)

同班朋友想坐底傾下計食小小野，於是揾左附近哩間串燒店。芝士蝦波，係炸蝦球但芝士心，口感好特別，唔會太咸而且外層鬆脆，蝦波仲好彈牙。鱈魚棒，佢放哂係個玻璃杯入面，賣相好靚。雖然有啲貴，但做小食真係好吸引人。每一條都好脆，仲有沙律醬可以點。羊架，一早就切哂一粒粒，方便share食，啲肉好軟，個人比較中意蜜糖芥末醬多於薄荷醬。點醬後唔會太酥。芝士脆肉瓜，脆肉瓜比想像中薄，成塊芝士係上面好重芝士味。中意食芝士嘅朋友不能錯過！