茶木‧台式休閒餐廳 (已結業)

係銅鑼灣諗唔到食咩，見到呢間門口光猛，入面環境仲好優美，就入去試試。因為呢個MENU被吸引入黎。假日都有午餐SET涼拌麻辣豬耳朵 對我黎講辣得濟，不過好爽口肉躁飯 米唔係茶餐廰勁硬同乾果啲，係似日本米咁濕潤細細粒，。肉躁略嫌唔夠鹹，不過都好味過出面既台式餐廳。我都食左半碗飯有多黃金酥炸排骨 個炸粉超薄又脆，仲鎖到肉汁，排骨肉仲好JUCIY。呢個餐等得耐左少少，所以到既時候侍應哥哥都有講唔好意思，要你等咁耐。黑油鴨腎 滷得夠入味，爽口肉躁新竹米粉 米粉好幼，好似粉絲咁，肉躁湯好入味古早味三杯雞 全部都係半隻雞翼，但我食到好多碎骨柚子冰 好清新，唔係得糖水。酸酸地好開胃芒果奶油蛋糕 餐+$18可以有蛋糕，SIZE都幾大個，可以兩個人SHARE黎食。蛋糕面鋪滿餅乾碎，所以每一啖蛋糕都有乾既餅碎、CREAM同蛋榚，口感好得意，唔覺唔覺食左好多啖。